Ser un proxecto de KDE implica unha serie de compromisos:
- Respectar o código de conduta de KDE.
- Apoiar a visión e a misión de KDE.
- Non obrigar a asinar un acordo de licenza ás persoas colaboradoras.
- Requisitos técnicos:
- Seguir as boas prácticas de proxectos de KDE similares.
- Aloxar as fontes en infraestrutura na que calquera conta de persoa colaboradora de KDE ten acceso de lectura e de escritura.
- Os servizos por Internet asociados co proxecto están aloxados na infraestrutura de KDE ou contan cun plan de acción que asegura a súa continuidade e que ten a aprobación do equipo de administración de sistemas de KDE.
- Dereito de autoría, marcas e patentes:
- Respectar a política de licenzas de KDE.
- Respectar as directrices de marca de KDE.
- Se as persoas autoras dun software o abandonan ou desaparecen, aceptan transferir a marca á seguinte persoa que o manteña.
- Se o código ten patentes en mans do proxecto, esas patentes deben ter unha licenza libre.
